4 “Iufala mas no wakem eni idol or eni samting wea luk olsem* eniting wea stap lo skae or lo earth or insaed lo wata.+

9 Then olketa bae sei, ‘Hem bikos olketa lusim Jehovah, God blo olketa, wea tekem olketa grandadi blo olketa kamaot from land lo Egypt, and olketa acceptim olketa nara god, baodaon lo olketa, and worshipim olketa. Dastawe Jehovah mekem evri nogud samting hia for kasem olketa.’”+

30 Ahab, son blo Omri hem duim samting wea nogud lo eye blo Jehovah, wea worse winim olketa wea rul firstaem lo hem.+ 31 Hem samting nating nomoa lo hem for duim olketa sin olsem Jeroboam,+ son blo Nebat bin duim, and samting wea worse go moa hem maritim tu Jezebel,+ dota blo Ethbaal, king blo Sidon,+ and start for worshipim Baal+ and baodaon lo hem. 32 And tu, hem wakem haos* blo Baal+ lo Samaria and standapim wanfala altar for Baal. 33 Ahab wakem tu post for worship.*+ Samting wea hem duim hem worse winim wanem evri nara king wea rul firstaem lo hem olketa duim. Datwan mekem Jehovah, God blo Israel barava kros.