31 Hem samting nating nomoa lo hem for duim olketa sin olsem Jeroboam,+ son blo Nebat bin duim, and samting wea worse go moa hem maritim tu Jezebel,+ dota blo Ethbaal, king blo Sidon,+ and start for worshipim Baal+ and baodaon lo hem. 32 And tu, hem wakem haos* blo Baal+ lo Samaria and standapim wanfala altar for Baal.

2 Lo taem hia nao Ahaziah stap lo haos blo hem lo Samaria, and hem foldaon lo hol antap lo ruf blo haos blo hem and hem garekil. So hem sendem olketa messenger and sei lo olketa: “Iufala go lo Baal-zebub, god blo Ekron+ and faendemaot sapos mi bae kamap gud from disfala garekil.”+