26 Lo datfala taem Joshua talem disfala strong toktok:* “Front lo eye blo Jehovah, trabol mas kasem man wea trae for buildim bak disfala taon lo Jericho. Taem bae hem wakem faondeson blo disfala taon, firstborn blo hem bae dae. Taem bae hem putim ap olketa gate blo disfala taon, lastborn blo hem bae dae.”+

34 Lo taem blo Ahab, wanfala man wea stap lo Bethel wea nem blo hem Hiel, hem buildim bak Jericho. Taem hem wakem faondeson blo datfala taon, firstborn son blo hem Abiram hem dae. And taem hem putim ap olketa gate blo datfala taon, lastborn son blo hem Segub hem dae, followim toktok wea Jehovah bin talem lo Joshua, son blo Nun.+