21 Then Moses liftimap hand blo hem ovarem datfala sea.+ And Jehovah mekem wanfala strong east wind for blow full naet, and sea hia start for divaed+ and graon wea sea hia divaed from hem kamap drae.+ 22 So olketa Israelite wakabaot lo drae graon lo botom lo sea hia,+ and sea hia standap olsem wall lo raet saed and lo left saed.+

17 Taem olketa priest wea karem ark blo covenant blo Jehovah gohed standap lo drae graon+ lo midol lo Jordan, evri Israelite akros lo drae graon.+ Olketa duim olsem go kasem taem datfala full nation akrosim Jordan River.

13 Bihaen, hem pikimap spesol kaleko+ blo Elijah wea foldaon and hem go bak and standap saed lo Jordan River. 14 Then hem tekem spesol kaleko blo Elijah wea foldaon and whipim lo wata and sei: “Wea nao Jehovah, God blo Elijah?” Taem hem whipim wata, wata hem divaed lo left saed and lo raet saed, and Elisha hem akros.+