12 Taem Athaliah herem noes blo pipol olketa ranran and praisem king, semtaem nomoa hem kam nao lo olketa pipol lo haos blo Jehovah.+ 13 Then hem lukim king standap saed lo big post* lo front lo door. Olketa leader+ and olketa man for blowim olketa trumpet lo there witim king, and evri pipol lo datfala ples hapi+ and blowim olketa trumpet, and olketa singer wea pleim instrument wea tekem lead* for olketa wea singsing. Taem Athaliah lukim diswan, hem brekem kaleko blo hem and singaot: “Olketa againstim queen! Olketa againstim queen!” 14 Bat Jehoiada datfala priest, leadim aot olketa leader hia blo olketa wan handred man, wea olketa markem for leadim army, and sei: “Tekem hem aot from disfala ples, and sapos eniwan followim hem, killim hem dae lo sword!” From priest talem finis: “Iufala no killim hem dae insaed haos blo Jehovah.” 15 So olketa holem hem, and taem hem kasem front lo datfala Horse Gate lo haos* blo king, stretawe olketa killim hem dae lo there.