30 And lisin lo servant blo iu lo wanem hem askem, and lo wanem pipol blo iu Israel askem taem olketa prea kam lo disfala ples, and nomata iu stap lo ples blo iu lo heven,+ plis herem and forgivim mifala.+

14 Hezekiah tekem olketa leta hia from hand blo olketa messenger and hem readim. Then Hezekiah go ap lo haos blo Jehovah, and hem openem olketa leta hia front lo Jehovah.+ 15 And Hezekiah start for prea lo Jehovah+ and sei: 16 “O Jehovah, komanda blo olketa army,+ God blo Israel, wea sidaon antap* lo olketa cherub, lo evri kingdom lo earth iu nomoa datfala tru God, iu nao wakem heven and earth. 17 O Jehovah, plis openem ear blo iu and herem!+ Plis Jehovah, openem eye blo iu and lukim!+ Herem evri toktok wea Sennacherib talem for tok spoelem iu datfala God wea laef.+ 18 O Jehovah, hem tru nao, olketa king blo Assyria barava spoelem evri land,+ and land blo olketa seleva tu. 19 And olketa torowem olketa god blo olketa insaed fire,+ bikos hem olketa god wea man nomoa wakem+ from wood and ston. Dastawe olketa fit for distroem olketa. 20 Bat O Jehovah, God blo mifala, iu sevem mifala from hand blo hem, mekem evri kingdom lo earth bae savve dat iu nomoa iu God, O Jehovah.”+