10 Then David praisem Jehovah front lo evriwan lo Israel. David hem sei: “O Jehovah, God blo Israel, dadi blo mifala, iu nao mas kasem praise distaem and for olowe. 11 O Jehovah, iu barava hae tumas,+ iu garem bigfala paoa,+ iu gud tumas, iu garem glory, and iu barava nambawan,+ bikos evri samting lo skae and lo earth hem blo iu.+ O Jehovah, kingdom hem blo iu.+ Iu nao datwan wea mekem iuseleva hae for kamap hed ovarem evri samting.