30 “‘And diswan nao bae hem saen for iu:* Disfala year iufala bae kaikaim grain wea grow seleva.* And lo mek-tu year, iufala bae kaikaim grain from olketa niu sut blo olketa wheat wea grow, bat lo mek-thri year, iufala bae plantim seed and harvestim, and iufala bae plantim olketa grape planteison and kaikaim frut blo olketa.+ 31 Olketa pipol* blo Judah wea ranawe, olketa wea stap laef,+ rut blo olketa bae go deep insaed graon, and olketa bae grow and garem olketa frut. 32 Bikos wanfala smol sekson bae go aot from Jerusalem and olketa wea stap laef lo Maunt Zion.+ Strong wea kam from Jehovah, komanda blo olketa army, bae duim diswan.+