26 Taem mi distroem supply* blo bred,*+ tenfala woman bae fit for beikem bred for iufala lo wanfala oven nomoa and olketa bae weighim datfala bred and givim iufala lelebet nomoa.+ And iufala bae kaikai bat iufala bae no satisfae.+

53 Then iufala bae kaikaim olketa pikinini* blo iufala seleva. Iufala bae kaikaim body blo olketa son and dota blo iufala+ wea Jehovah, God blo iufala, hem givim lo iufala bikos lo barava hard taem wea kasem iufala taem olketa enemy raonem and attakim taon blo iufala.

21 So King Zedekiah talem order for olketa putim Jeremiah insaed custody lo Courtyard blo Gard,+ and evriday olketa givim lo Jeremiah wanfala raon bred wea kam from street wea olketa bakery stap lo hem+ go kasem taem wea datfala taon no garem eni bred.+ And Jeremiah stap lo datfala Courtyard blo Gard.

2 “Diswan nao wanem Jehovah talem, ‘Eniwan wea no go aot from disfala taon bae dae lo sword, lo bigfala hangere, and lo nogud sik.*+ Bat eniwan wea sarenda* lo olketa Chaldean hem bae gohed laef and datwan bae sevem laef* blo hemseleva and hem bae no dae.’+

 4 Tongue blo baby wea susu pas insaed mouth blo hem bikos hem thirsty fogud.

Olketa pikinini beg for bred,+ bat no eniwan givim olketa eni bred.+

16 Then hem sei lo mi: “Son blo man, mi bae stopem supply blo kaikai* for no go insaed Jerusalem,+ and from olketa wari tumas bae olketa weighim nomoa lelebet bred blo olketa for kaikaim,+ and from olketa fraet tumas bae olketa markem nomoa lelebet wata blo olketa for drinkim.+

10 “‘“So olketa dadi wea stap lo iu bae kaikaim olketa son blo olketa,+ and olketa son bae kaikaim olketa dadi blo olketa, and bae mi givim panis for kasem iu and bae mi mekem evriwan wea stap yet lo iu for go evriwea lo evri direction.”’*+

12 Wanfala grup wea stap lo iu bae olketa dae lo nogud sik* or bae finis lo bigfala hangere. Nara grup bae olketa dae lo sword raonem iu.+ And last grup bae mi mekem olketa go evriwea lo evri direction,* and bae mi aotem sword for ronem olketa lo hem.+