19 Bat Elijah sei lo hem: “Tekem kam son blo iu.” Then hem tekem boy hia from hand blo mami blo hem and karem hem go ap lo rum antap lo haos wea hem stap, and hem leim boy hia lo bed blo hem.+ 20 Elijah prea lo Jehovah: “O Jehovah, God blo mi,+ waswe, iu mekem nogud samting for kasem widow woman hia wea mi stap lo haos blo hem tu, taem iu letem son blo hem for dae?”

41 So olketa aotem datfala ston. Then Jesus luk go ap lo skae+ and sei: “Dadi, mi thankiu lo iu bikos iu herem prea blo mi.

40 Then Peter talem evriwan for go aotsaed,+ and hem nildaon and prea, then hem feisim go body hia and sei: “Tabitha, iu getap!” Tabitha openem eye blo hem, and taem hem lukim Peter, hem sidaon.+