63 Solomon sakrifaesim peace offering*+ lo Jehovah. Hem sakrifaesim 22,000 buluka and 120,000 sheepsheep. So king and evriwan lo Israel dedicatem nao datfala haos blo Jehovah.+ 64 Lo datfala day, king mas mekem midol lo datfala courtyard wea hem front lo haos blo Jehovah for hem holy, for hem sakrifaesim olketa burnt offering,* olketa grain offering,* and olketa gris from peace offering lo there. Hem duim olsem, bikos copper altar+ wea stap front lo Jehovah hem smol tumas for olketa burnt offering, olketa grain offering, and for olketa gris+ from peace offering.