28 Then Absalom komandim olketa wakaman blo hem: “Iufala lukluk, taem Amnon drinkim wine gogo hem drunk, bae mi sei lo iufala, ‘Killim dae Amnon!’ Then iufala mas killim hem dae, iufala no fraet. Mi nao talem iufala. Iufala mas strong and no fraet.”

37 Bat Absalom ranawe and go lo Talmai,+ son blo Ammihud, wea hem king blo Geshur. Staka day nao David sorre for son blo hem.

10 Absalom sendem samfala spae for go and sei lo evri tribe lo Israel: “Sapos iufala herem saond blo horn, iufala singaot big olsem, ‘Absalom hem king nao lo Hebron!’”+

14 So Joab sei: “Bae mi no weistim taem witim iu!” Then Joab tekem thrifala arrow lo hand blo hem and sutim go stret heart blo Absalom taem hem still laef and hange lo datfala tree.