• 2 Samuel 8:15-18
    Niu World Transleison blo Holy Scripture

    • 15 David gohed rul ovarem evriwan lo Israel,+ and hem duim samting followim justice and wea raeteous+ for evri pipol blo hem.+ 16 Joab,+ son blo Zeruiah hem komanda lo army, and Jehoshaphat,+ son blo Ahilud, hem man for keepim record blo king. 17 Zadok,+ son blo Ahitub, and Ahimelech, son blo Abiathar, tufala nao priest, and Seraiah hem secretary. 18 Benaiah,+ son blo Jehoiada, hem lukaftarem olketa Cherethite and olketa Pelethite.+ And olketa son blo David, olketa kamap chief minister.*

  • 2 Samuel 23:3, 4
    Niu World Transleison blo Holy Scripture

    •  3 God blo Israel hem tok olsem.

      Rock blo Israel+ sei lo mi:

      ‘Taem man wea rul ovarem olketa narawan hem raeteous,+

      Wei wea hem rul showimaot hem fraet lo God,+

       4 Hem olsem laet lo morning taem sun hem shaen,+

      Wanfala morning wea no eni cloud lo skae.

      Hem olsem sun wea shaen braet bihaen hem rain,

      Hem mekem grass for grow lo graon.’+

  • Psalms 78:70-72
    Niu World Transleison blo Holy Scripture

    • 70 Hem chusim servant blo hem David+

      And tekem hem from fence blo olketa sheepsheep,+

      71 From olketa mere sheepsheep wea susum olketa baby.

      Hem mekem hem for lukaftarem Jacob, pipol blo hem,+

      And lukaftarem Israel, inheritance blo hem.+

      72 Hem faithful for lukaftarem olketa lo full heart blo hem,+

      And hem savve tumas hao for leadim olketa.+