4 So Rachel givim servant gele blo hem Bilhah for kamap waef blo Jacob, and Jacob sleep witim Bilhah.+ 5 Then Bilhah babule and gogo hem bornem wanfala son for Jacob. 6 So Rachel sei: “God hem judge blo mi and hem herem voice blo mi dastawe hem givim mi wanfala son.” So Rachel nemim hem lo Dan.*+

16 “Dan+ wea hem wanfala tribe blo Israel bae hem judgem evri pipol.+ 17 Dan bae hem olsem wanfala snek wea stap followim road, and wanfala poison snek lo saed road, wea baetem bihaen leg blo horse and man wea raedem horse hem foldaon go bak.+ 18 O Jehovah, mi bae weitim iu for sevem mi.