22 Gogo, God tingim Rachel, and God herem and ansarem olketa prea blo Rachel taem God letem hem for babule.*+

24 So Rachel nemim hem lo Joseph,*+ and hem sei: “Jehovah givim nara son for mi.”

22 “Joseph+ hem olsem branch blo wanfala tree wea garem staka frut and wea grow saed lo springwata, wea olketa branch blo hem grow ovarem wall. 23 Bat olketa man wea iusim bow and arrow heitim hem, gohed againstim hem, and sutim hem.+ 24 Nomata olsem, bow blo hem stanbae+ and tufala hand blo hem strong and kwiktaem for sut.+ Hem savve duim datwan bikos lo paoaful man wea helpem Jacob wea hem datfala shepherd, datfala ston blo Israel. 25 Hem* present from God blo dadi blo iu, and hem bae helpem iu. Hem fren gud witim Olmaeti, and God bae blessim iu witim olketa blessing from skae and olketa blessing lo graon,+ and hem bae blessim iu witim staka pikinini and staka animal. 26 Olketa blessing wea dadi blo iu givim hem winim olketa blessing wea iu kasem from olketa maunten and olketa hill wea stap for olowe.+ Joseph wea olketa chusim hem from olketa brata blo hem bae gohed for kasem olketa blessing hia.*+