16 Then David talem olketa leader blo olketa Levite for appointim olketa brata blo olketa wea savve singsing for singsing big, witim olketa instrument for pleim music, olsem olketa string instrument, olketa harp,+ and olketa cymbal.+

18 And witim olketa hia, hem olketa nara brata blo olketa lo mek-tu grup.+ Olketa nao Zechariah, Ben, Jaaziel, Shemiramoth, Jehiel, Unni, Eliab, Benaiah, Maaseiah, Mattithiah, Eliphelehu, and Mikneiah, witim Obed-edom and Jeiel wea olketa security gard lo gate.