51 So King Solomon finisim evri waka wea hem mas duim lo haos blo Jehovah. Then Solomon tekem kam olketa samting wea dadi blo hem David bin mekem holy,+ and hem putim olketa silver, gold, and olketa nara expensive samting lo ples for keepim olketa riches lo haos blo Jehovah.+

25 Lo mek-faev year wea Rehoboam hem king, King Shishak+ blo Egypt hem kam faet againstim Jerusalem.+ 26 Hem tekem olketa riches lo haos blo Jehovah and olketa riches lo haos* blo king.+ Hem tekem evriting, and hem tekem tu evri shield wea Solomon wakem lo gold.+

26 Fofala leader* wea olketa trustim, olketa nao security gard lo olketa gate. Olketa hia olketa Levite, and olketa lukaftarem olketa rum,* and ples for keepim olketa riches lo haos blo datfala tru God.+

10 hem stretawe sendem son blo hem Hadoram for go lo King David for ask abaotem hao nao hem, and for talem dat hem hapi from David winim Hadadezer (datwan hem bikos staka taem Hadadezer bin faet againstim Tou), and hem tekem go evri difren kaen samting wea olketa wakem lo gold, silver, and copper. 11 King David givim* evri samting hia for Jehovah,+ witim tu olketa silver and olketa gold wea hem tekem from evri nation, olsem Edom and Moab, from olketa Ammonite,+ olketa Philistine,+ and olketa Amalekite.+