2 Then hem singaot and talem toktok blo Jehovah againstim datfala altar and sei: “O altar, altar! Diswan nao wanem Jehovah talem: ‘Lukim! Wanfala boy wea nem blo hem Josiah+ bae born lo laen blo David! Antap lo iu, hem bae sakrifaesim olketa priest wea duim waka lo olketa hae ples,* olketa wea mekem sakrifaes for smoke antap lo iu, and hem bae bonem bon blo olketa man antap lo iu.’”+

1 Diswan nao toktok from Jehovah wea Zephaniah* kasem lo taem wea Josiah,+ son blo Amon,+ hem king lo Judah. Zephaniah hem son blo Cushi, Cushi hem son blo Gedaliah, Gedaliah hem son blo Amariah, and Amariah hem son blo Hezekiah. Disfala toktok hem olsem: