• Exodus 12:48
    Niu World Transleison blo Holy Scripture

    • 48 Sapos wanfala foreigner stap witim iufala and hem laek for celebratem Pasova lo Jehovah, evri male lo famili blo hem mas circumcise. Then hem savve celebratem datwan, and hem bae olsem wanfala Israelite. Bat man wea no circumcise no savve kaikaim datwan.+

  • Ruth 1:16
    Niu World Transleison blo Holy Scripture

    • 16 Bat Ruth sei: “Plis, iu no talem mi for lusim iu, and for go bak. Ples iu go lo hem, bae mi go tu, and ples wea iu sleep lo hem, bae mi sleep lo hem tu. Pipol blo iu bae pipol blo mi, and God blo iu bae God blo mi.+

  • 2 Kings 5:15
    Niu World Transleison blo Holy Scripture

    • 15 Bihaen, hem go bak lo man blo datfala tru God,+ hem and evri wakaman* blo hem, and hem standap front lo Elisha and sei: “Distaem mi savve no eni God stap eniwea lo earth, bat lo Israel nomoa.+ Plis, acceptim present* from servant blo iu.”

  • Isaiah 56:6, 7
    Niu World Transleison blo Holy Scripture

    •  6 Bat for olketa foreigner wea worshipim Jehovah for duim waka blo hem,

      Wea lovem Jehovah and nem blo hem+

      And for kamap olketa servant blo hem,

      Evriwan wea keepim Sabbath and wea mekem holy

      And wea hol strong lo covenant blo mi,

       7 Olketa tu bae mi tekem olketa kam lo holy maunten blo mi+

      And for mekem olketa hapi insaed haos blo mi for prea.

      Olketa burnt offering* blo olketa, and olketa sakrifaes blo olketa, bae mi acceptim antap lo altar blo mi.

      Bikos pipol bae kolem haos blo mi, haos for evri pipol prea insaed.”+