12 so bae mi duim samting wea iu askem.+ Bae mi givim iu wisdom and heart wea obey,+ mekem no eniwan wea laef bifor lo iu, or eniwan wea laef bihaen lo iu, bae hem olsem iu.+ 13 And tu, bae mi givim lo iu olketa samting wea iu no askem,+ hem nao for iu kamap rich and pipol mekhae lo iu,+ mekem lo taem* wea iu laef no eni nara king bae hem olsem iu.+

29 And God givim lo Solomon barava bigfala wisdom and wei for luksavve lo samting, and heart wea savve lo staka samting wea olsem sandbis lo saedsea.+

23 So King Solomon hem winim evri nara king lo earth bikos lo wisdom+ and olketa riches+ wea hem garem. 24 And pipol lo evri ples lo earth kam lo* Solomon for herem wisdom wea God putim lo heart blo hem.+ 25 Each wan lo olketa savve tekem kam present. Olketa savve tekem kam olketa samting wea olketa wakem lo silver, olketa samting wea olketa wakem lo gold, olketa kaleko, olketa weapon, balsam oil, olketa horse, and olketa mule.* Olketa duim diswan evri year.