20 So Ben-hadad lisin lo samting wea King Asa talem and hem sendem olketa bigman lo army blo hem for go faet againstim olketa taon lo Israel and olketa tekovarem Ijon,+ Dan,+ Abel-beth-maacah, evri ples lo Chinnereth, and evri land blo tribe blo Naphtali. 21 Taem Baasha herem datfala nius, semtaem hem stop for buildim* Ramah and hem gohed stap lo Tirzah.+ 22 Then King Asa kolem kam evriwan lo Judah, and olketa go karem olketa ston and olketa timba wea Baasha iusim for buildim lo Ramah, and King Asa iusim olketa samting hia for buildim bak* Geba+ lo land blo Benjamin, and lo Mizpah.+