17 Hem 32 years old taem hem kamap king, and hem rul lo Jerusalem for eit years. 18 Hem wakabaot followim wei blo olketa king lo Israel,+ olsem olketa lo famili blo Ahab duim,+ bikos hem maritim dota blo Ahab.+ And hem gohed duim samting wea nogud lo eye blo Jehovah.+ 19 Bat Jehovah no laek finisim Judah bikos lo servant blo hem David.+ From hem bin promisim lo hem for givim lamp* lo hem+ and lo olketa son blo hem for olowe.