6 Iufala mas no fraet and iufala mas strong.+ No fraet and no panic front lo olketa+ bikos Jehovah, God blo iufala, bae go witim iufala. Hem bae no leavim iufala and hem bae nating lusim iufala.”+

8 Jehovah nao hem go witim iu and hem bae gohed stap witim iu.+ Hem bae no leavim iu and hem bae nating lusim iu. Iu mas no fraet and iu mas no panic.”+

6 Iu mas no fraet and iu mas strong,+ bikos iu nao bae leadim pipol hia for tekem land wea mi promis for givim lo olketa grandadi blo olketa.+

9 So mi talem iu moa. Iu mas no fraet and iu mas strong. Iu no fraet or seksek bikos Jehovah, God blo iu, hem stap witim iu lo eni ples wea iu go.”+

16 Bat Elisha sei: “Iu no fraet!+ Olketa wea stap lo saed blo iumi, olketa staka winim olketa wea stap lo saed blo olketa.”+ 17 Then Elisha prea and sei: “O Jehovah, plis openem eye blo hem mekem hem savve lukim.”+ Semtaem nomoa, Jehovah openem eye blo wakaman blo Elisha and hem luk go and lukim, olketa area lo olketa maunten hem fulap lo olketa horse and olketa war chariot blo fire+ evriwea raonem Elisha.+

15 Hem sei: “Iufala lisin gud kam, iufala evriwan lo Judah, and iufala wea stap lo Jerusalem and King Jehoshaphat! Diswan nao wanem Jehovah talem, ‘Iufala mas no fraet or panic bikos lo disfala big sekson, disfala faet hem no blo iufala, bat hem blo God.+