15 So hem tekem Jehoiachin+ for go prisoner lo Babylon.+ And tu, hem tekem mami blo king, olketa waef blo king, olketa hae official blo hem, and olketa important man lo datfala land, hem tekem olketa from Jerusalem for go prisoner lo Babylon. 16 King blo Babylon tekem tu evri man for faet go lo Babylon, evriwan hia hem 7,000, and hem tekem 1,000 man wea savve wakem samting from wood and olketa wea savve wakem samting from metal. Evri man hia olketa strong man wea kasem training for faet.

11 Nebuzaradan, komanda blo olketa gard tekem evri pipol wea stap yet lo datfala taon for go prisoner, olketa wea go joinim king blo Babylon, and evri nara pipol.+

20 Hem tekem olketa wea no dae lo sword for go prisoner lo Babylon,+ and olketa kamap olketa servant blo hem+ and blo olketa son blo hem, go kasem taem kingdom blo Persia start for rul,+