19 Aaron and olketa son blo hem bae wasim hand and foot blo olketa lo there.+ 20 Taem olketa go lo tent for meeting, or taem olketa go lo datfala altar for duim olketa waka and for bonem olketa offering lo fire for Jehovah, olketa mas wasim hand and leg blo olketa lo wata mekem olketa no dae.

8 Iufala pipol lo Israel mas ting lo priest olsem hem holy+ bikos hem savve offerim bred lo God blo iufala. Iufala mas ting lo hem olsem hem holy bikos mi, Jehovah, wea mekem iufala holy, mi holy.+

2 “Talem Aaron and olketa son blo hem dat taem olketa no klin olketa mas respectim* olketa holy samting wea olketa Israelite givim and offerim for mi+ nogud olketa spoelem holy nem+ blo mi. Mi nao Jehovah. 3 Tok olsem lo olketa, ‘Lo evri genereson blo iufala, eniwan lo olketa pikinini blo iufala wea hem no klin* and hem kam klosap lo olketa holy samting wea olketa Israelite givim for Jehovah, iufala mas killim dae datfala man.*+ Mi nao Jehovah.