24 “‘Iufala mas no mekem iufala seleva kamap dirty lo olketa samting hia bikos evri samting hia nao olketa nation duim wea mekem olketa no klin and mi raosem olketa.+

30 Bat bihaen God hem finisim olketa front lo eye blo iufala, iufala mas keakea for no foldaon insaed sem trap olsem olketa. No ask abaotem olketa god blo olketa and sei, ‘Wat nao olketa nation hia savve duim taem olketa worshipim olketa god blo olketa? Mi tu bae duim sem samting.’+ 31 Iufala mas no worshipim Jehovah, God blo iufala, lo wei olsem bikos taem olketa nation hia worshipim olketa god blo olketa, olketa duim evri nogud samting wea Jehovah heitim. Olketa bonem tu olketa son and olketa dota blo olketa lo fire for olketa god blo olketa.+

9 “Taem iufala go insaed lo land wea Jehovah, God blo iufala, hem givim lo iufala, iufala mas no trae for followim olketa barava nogud samting wea olketa nation hia duim.+ 10 No eniwan lo iufala mas sakrifaesim son or dota blo hem lo fire,*+ duim divination,*+ duim magic,+ lukaotem mining blo olketa saen,+ olketa wea iusim demon for spoelem narawan,+ 11 cursim narawan, askem help from olketa demon,+ or talem wanem bae happen lo future,+ or askem help from olketa wea dae.+