14 And tu, King Cyrus tekem aot olketa gold and silver dish blo haos blo God from temple lo Babylon. Olketa samting hia Nebuchadnezzar nao tekem from temple lo Jerusalem and putim insaed temple lo Babylon.+ Olketa givim olketa samting hia lo Sheshbazzar,*+ wea Cyrus appointim hem for kamap governor.+

16 Then Sheshbazzar kam and leim faondeson blo haos blo God+ wea stap lo Jerusalem. Start lo datfala taem kam kasem distaem mifala buildim haos hia bat mifala no completim yet.’+

1 Lo mek-tu year lo rul blo King Darius, lo mek-six month, lo first day blo datfala month, profet Haggai*+ kasem toktok from Jehovah for go talem lo Zerubbabel,+ son blo Shealtiel wea hem governor blo Judah, and lo Joshua wea hem hae priest, son blo Jehozadak, wea sei:

14 So Jehovah muvim heart*+ blo Zerubbabel, son blo Shealtiel wea hem governor blo Judah,+ and heart blo Joshua+ wea hem hae priest, son blo Jehozadak, and heart blo evri pipol. And olketa kam and start for wakem haos blo Jehovah, komanda blo olketa army, God blo olketa.+

23 “‘Lo datfala day,’ diswan nao wanem Jehovah, komanda blo olketa army hem talem, ‘Mi bae tekem iu, servant blo mi Zerubbabel,+ son blo Shealtiel,’+ Jehovah hem sei, ‘and bae mi mekem iu olsem wanfala seal ring,* bikos iu nao man wea mi bin chusim,’ hem nao wanem Jehovah, komanda blo olketa army, hem talem.”