14 Iufala mas hapi taem iufala celebratem festival hia,+ iufala and olketa son, olketa dota, olketa man slave, olketa woman slave, olketa Levite, olketa foreigner wea stap witim iufala, pikinini wea no garem dadi, and olketa widow wea stap insaed olketa taon blo iufala. 15 Iufala bae celebratem festival+ hia for sevenfala day for Jehovah, God blo iufala, lo ples wea Jehovah chusim bikos Jehovah, God blo iufala, bae blessim evri samting wea iufala bae harvestim and evri samting wea iufala duim,+ and iufala bae hapi fogud.+