5 Olketa Jew killim dae evri enemy blo olketa witim sword and finisim olketa. Olketa duim eni samting wea olketa laekem lo olketa wea heitim olketa.+ 6 Lo palace* lo Shushan*+ olketa Jew killim dae and finisim 500 man. 7 Olketa killim dae tu Parshandatha, Dalphon, Aspatha, 8 Poratha, Adalia, Aridatha, 9 Parmashta, Arisai, Aridai, and Vaizatha. 10 Olketa hia tenfala son blo Haman, son blo Hammedatha, wea hem enemy blo olketa Jew.+ Bat bihaen olketa killim olketa dae, olketa nating tekem eni samting wea olketa hia onam.+