12 Taem Mordecai herem samting wea Esther talem, 13 hem sendem disfala toktok go lo Esther: “Iu mas no ting dat from iu stap insaed lo palace blo king bae iu misstim disfala nogud samting wea bae kasem evri nara Jew. 14 Bikos sapos iu no talem eniting distaem, God bae duim nara samting for helpem and sevem olketa Jew,+ bat iu and famili laen blo dadi blo iu bae dae. And iumi no savve maet hem nao why iu kamap queen for helpem pipol blo iu lo kaen hard taem olsem wea kasem iumi distaem.”+