Wastaoa ONLINE LIBRARY

Wastaoa ONLINE LIBRARY

Solomon Islands Pidgin

Genesis 6:5

Niu World Transleison blo Holy Scripture
- 5 Jehovah lukim wei blo olketa man lo earth hem nogud tumas, and evritaem nomoa tingting and samting wea heart blo olketa laekem hem nogud.+

2 Chronicles 16:9

Niu World Transleison blo Holy Scripture
- 9 Bikos Jehovah hem lukluk gud lo evri ples lo earth,+ for showimaot paoa* blo hem for helpem olketa wea faithful lo hem lo full heart.+ Bat iu duim karangge samting, so start distaem and go, olketa enemy bae faet againstim iu.”+

Job 31:4

Niu World Transleison blo Holy Scripture
- 4 Hao, hem no lukim evri samting wea mi duim+
  And kaontem evri step blo mi?

Proverbs 5:21

Niu World Transleison blo Holy Scripture
- 21 Bikos Jehovah hem lukim evri samting wea man duim.
  
  Hem lukluk gud lo evri road blo hem.+

Proverbs 15:3

Niu World Transleison blo Holy Scripture
- 3 Eye blo Jehovah hem lukim evri samting,
  Hem lukluk lo nogud pipol and gud pipol.+

Jeremiah 16:17

Niu World Transleison blo Holy Scripture
- 17 Bikos eye blo mi lukim evri samting wea olketa duim.*
  
  Hard for olketa haedem olketa samting wea olketa duim from mi,
  And olketa rong blo olketa hem hard for haed from eye blo mi.

Jeremiah 32:19

Niu World Transleison blo Holy Scripture
- 19 Advaes* blo iu hem gud tumas and iu duim olketa paoaful samting,+ iu wea eye blo iu lukim evri wei blo olketa man,+ for givim lo each wan samting wea fitim olketa wei blo hem and fitim samting wea hem duim.+

1 Peter 3:12

Niu World Transleison blo Holy Scripture
- 12 Bikos eye blo Jehovah* hem lukluk lo olketa wea raeteous and ear blo hem lisin lo prea blo olketa.+ Bat feis blo Jehovah* hem againstim olketa wea duim olketa nogud samting.”+