10 “Jehovah, God blo iufala, bae tekem iufala go insaed lo datfala land wea hem promisim lo olketa grandadi blo iufala, Abraham, Isaac, and Jacob for givim lo iufala.+ Land hia garem olketa naes and bigfala taon wea iufala nating buildim,+ 11 olketa haos wea fulap lo enikaen gud samting wea iufala nating waka for hem, olketa ston cistern* wea iufala nating digim, and olketa grape planteison and olive tree wea iufala nating plantim. And taem iufala kaikai gogo iufala satisfae,+ 12 keakea nogud iufala forgetim Jehovah,+ wea tekem iufala aot from land lo Egypt, from ples* wea iufala slave lo hem.

 4 Iu no hard waka tumas for kasem riches gogo iu taed.+

Stop and showim dat iu garem wei for minim samting.*

19 “Stop for hipimap riches for iufala seleva lo earth,+ wea moth and rasta savve spoelem, and wea man savve stealim.

24 “No eniwan savve waka for tufala boss, bikos bae hem heitim wanfala and lovem narawan,+ or bae hem faithful lo wanfala and ting daonem narawan. Iufala no savve kamap slave blo God and blo Riches lo semtaem.+

36 Wanem gud samting nao man bae kasem sapos hem garem evri samting lo disfala world and hem lusim laef blo hem?+

15 Then hem sei lo olketa: “Iufala mas lukaot and stap klia lo evri difren kaen wei for greedy,*+ bikos nomata man garem staka samting, evri samting hem onam no givim hem laef.”+

17 Instructim olketa wea rich distaem* for no praod, and no trustim riches wea savve lus enitaem,+ bat olketa mas trustim God wea provaedem evri samting wea mekem iumi hapi.+

16 bikos evri samting lo disfala world, olketa samting wea body laekem+ and olketa samting wea eye hem laekem,+ and wei for show-off witim olketa samting wea man garem,* hem no kam from Dadi bat hem kam from disfala world.