-
Jeremiah 25:15Niu World Transleison blo Holy Scripture
-
-
15 Diswan nao wanem Jehovah, God blo Israel, hem talem lo mi: “Tekem disfala kap wine blo kros from hand blo mi, and mekem evri nation wea mi sendem iu go lo olketa for drinkim.
-
-
Jeremiah 25:28Niu World Transleison blo Holy Scripture
-
-
28 And sapos olketa les for tekem datfala kap from hand blo iu for drinkim, iu mas sei lo olketa, ‘Diswan nao wanem Jehovah, komanda blo olketa army, hem talem: “Iufala mas drinkim!
-
-
Jeremiah 49:12Niu World Transleison blo Holy Scripture
-
-
12 Diswan nao wanem Jehovah talem: “Lukim! Sapos olketa wea no kasem judgment for drinkim datfala kap mas drinkim datwan, hao, bae iu no kasem eni panis? Iu bae no misstim panis bikos iu mas drinkim datwan.”+
-
-
Revelation 14:9, 10Niu World Transleison blo Holy Scripture
-
-
9 Nara angel, wea hem mek-thri angel kam bihaen lo olketa and singaot witim laod voice olsem: “Sapos eniwan worshipim datfala wild animal+ and datfala image blo hem, and hem kasem wanfala mark lo forhed blo hem or lo hand blo hem,+ 10 bae hem drinkim tu wine blo God, wea hem nao kros blo hem, wine hia no mix witim wata wea God kapsaetem insaed lo kap blo kros blo Hem,+ and bae hem safa from fire and sulfur*+ front lo olketa holy angel and front lo datfala Lamb.
-