2 Taem iufala ronem aot olketa nation wea iufala bae onam land blo olketa, iufala mas distroem evri ples blo olketa for worshipim olketa god blo olketa,+ nomata lo olketa hae maunten or lo olketa hill or andanit eni big tree wea grow gud.

2 Bat for iufala, iufala mas no mekem agreement witim pipol wea stap lo disfala land,+ and iufala shud distroem olketa altar blo olketa.’+ Bat iufala nating obeyim toktok blo mi.+ Why nao iufala duim olsem?

28 Mi bin tekem olketa kam lo land wea mi bin promis for givim lo olketa.+ And taem olketa lukim evri hill wea hae, and olketa tree wea garem staka leaf,+ olketa start for mekem olketa sakrifaes and olketa offering wea mekem mi feel nogud. Olketa offerim olketa sakrifaes blo olketa wea smel naes tumas,* and pourimaot olketa drink offering* blo olketa lo olketa ples hia.