20 And tufala cherub hia bae feisim each other and spredim aot wing blo tufala, and wing blo tufala bae kavarem datfala lid.+ Feis blo tufala cherub hia bae feisim datfala lid.

22 Mi bae kam lo iu lo there and story witim iu from antap lo datfala lid.+ Mi bae story kam lo iu between tufala cherub wea stap antap lid blo datfala ark blo Covenant,* and mi bae talem lo iu evri komand for olketa Israelite wea iu bae talem lo olketa.

4 So olketa sendem samfala man go lo Shiloh and olketa tekem kam ark blo covenant blo Jehovah, komanda blo olketa army, wea hem sidaon antap* lo olketa cherub.+ Tufala son blo Eli, Hophni and Phinehas+ tu kam witim ark blo covenant blo datfala tru God.