13 From datwan, olketa Egyptian forcem olketa Israelite for slave for olketa.+ 14 Olketa mekem laef blo olketa Israelite hard tumas taem olketa forcem olketa for wakem mortar and brik from clay, and tu, for waka hard lo datfala land. Olketa Egyptian treatim olketa nogud tumas and forcem olketa for duim evri waka blo slave.+

6 “So iu mas sei lo olketa Israelite: ‘Mi nao Jehovah, and bae mi aotem iufala from olketa hevi wea olketa Egyptian givim lo iufala and sevem iufala from wei for slave,+ and bae mi tekem iufala bak witim paoaful arm blo mi and bae mi panisim olketa Egyptian.+