18 Bat olketa Israelite no attakim olketa bikos lo promis wea olketa chief lo Israel talem lo nem blo Jehovah,+ God blo Israel. So evri Israelite start for komplenim olketa chief lo Israel. 19 From datwan evri chief hia sei lo evriwan lo Israel: “Mifala talem promis finis lo olketa lo nem blo Jehovah, God blo Israel, so iumi bae no duim eni nogud samting lo olketa. 20 Diswan nao wanem iumi bae duim. Iumi bae letem olketa stap laef mekem kros blo God no kasem iumi bikos lo promis wea iumi talem lo olketa.”+

34 Bihaen datwan, Jephthah kam bak lo ples blo hem lo Mizpah,+ and luk go, dota blo hem nao kam for meetim hem. Hem dance and pleim tambourine! Hem nomoa only pikinini blo hem. Hem no garem eni son or dota moa. 35 Taem Jephthah lukim hem, hem brekem kaleko blo hem and sei: “O dota blo mi! Iu brekem nao heart blo mi,* bikos iu kamap datwan wea bae mi sendem hem go. Mi mekem promis finis lo Jehovah, and bae mi no savve brekem datfala promis.”+

33 “And tu, iufala herem hao lo bifor olketa sei: ‘Iu mas no talem laea promis. Sapos iu promisim samting lo Jehovah,*+ iu mas duim datwan.’+