36 Bikos Jehovah bae judgem pipol blo hem,+

And hem bae feel sorre lo olketa servant blo hem+

Taem hem lukim dat strong blo olketa hem gogo daon,

And dat olketa wea no garem eniwan for helpem olketa and olketa wea no strong nomoa stap.

 7 Bae mi story abaotem olketa samting wea Jehovah duim, wea showimaot loyal love* blo hem,

Olketa samting wea Jehovah duim wea fit for kasem praise,

Abaotem evri samting wea Jehovah bin duim for iumi,+

Staka gud samting wea hem bin duim for pipol* blo Israel,

Wea datwan showimaot mercy blo hem and bigfala loyal love blo hem.

13 Tearem heart blo iufala,+ and no olketa kaleko blo iufala,+

And kam bak lo Jehovah, God blo iufala,

Bikos hem tingim* man and garem bigfala mercy, no savve kros kwiktaem+ and loyal love* blo hem big tumas,+

And hem bae changem tingting blo hem* abaotem datfala trabol.