• Isaiah 35:10
    Niu World Transleison blo Holy Scripture

    • 10 Olketa wea Jehovah baem bak, bae kam bak,+ and bae stap lo Zion and olketa bae krae from olketa hapi tumas.+

      Olsem kraon antap lo hed blo olketa,+ hapi blo olketa bae no savve finis.

      Bae olketa feel gud and barava hapi.

      And wei wea olketa sorre and feel nogud bae nomoa nao.+

  • Micah 4:10
    Niu World Transleison blo Holy Scripture

    • 10 O dota blo Zion, rola olobaot and krae,

      Olsem woman wea bornem pikinini,

      Bikos distaem bae iu go aot from datfala taon and stap lo open ples.

      Iu bae go kasem Babylon,+

      And lo there nao bae olketa sevem iu.+

      Lo there nao bae Jehovah baem iu bak from hand blo olketa enemy blo iu.+