4 And iu go witim glory blo iu for win lo faet.+

 5 Olketa arrow blo iu hem sharp, hem mekem olketa pipol foldaon front lo iu.+

Hem go thru lo heart blo olketa enemy blo king.+

18 Jesus kam lo olketa and sei: “God givim authority lo mi ovarem evri samting lo heven and lo earth.+

2 And mi luk go and lukim! wanfala white horse,+ and man wea sidaon antap lo hem holem wanfala bow, and God givim hem wanfala kraon,+ and hem go aot for faetem olketa enemy blo hem and for winim olketa.+

5 And woman hia bornem wanfala pikinini boy, wanfala son,+ wea bae iusim wanfala iron stik for rulim evri nation.*+ Bihaen pikinini hia born nomoa, olketa kwiktaem tekem hem go lo God and lo throne blo hem.

11 Mi lukim heven hem open, and lukim! wanfala white horse.+ And man wea sidaon antap datfala horse olketa kolem hem lo Faithful+ and Tru,+ and hem judge lo raeteous wei and hem faet lo war wea raeteous.+

15 And longfala sword+ wea sharp kamaot from mouth blo hem, wea hem for finisim evri nation lo world, and bae hem iusim wanfala iron stik for rulim* olketa.+ And tu, hem stepim olketa grape lo ples for smasem grape for mekem wine lo hem, wea piksarem bigfala kros blo Olmaeti God.+