6 Iufala mas followim gud evri samting hia+ bikos pipol wea bae herem evri law hia bae luksavve lo wisdom+ and savve blo iufala+ and olketa bae sei, ‘Disfala maeti nation olketa pipol wea wise and garem savve.’+

7 “So iu mas no fraet and mas strong, and obeyim evri Law wea servant blo mi Moses hem talem lo iu. Iu mas no go difren from Law hia,+ mekem iu savve duim wise samting lo evri ples wea iu go.+ 8 Iu shud no stop for storyim olketa toktok insaed buk blo Law hia lo olketa narawan.+ And iu mas read smol lo hem* day and naet, mekem iu savve barava obeyim evri samting wea olketa raetem insaed.+ Sapos iu duim olsem, iu bae garem gudfala laef and bae iu duim wise samting.+

3 Iu mas obeyim Jehovah, God blo iu lo wei for wakabaot followim olketa wei blo hem, and lo wei for obeyim olketa law, olketa komandment, olketa judicial disison,* and olketa reminder blo hem olsem olketa bin raetem lo Law blo Moses.+ Sapos iu duim olsem bae iu win* lo evri samting wea iu duim and lo evri ples wea iu go.

14 Bat iu mas gohed for followim olketa samting wea iu lanem and wea olketa narawan helpem iu for bilivim,+ bikos iu savve trustim olketa wea teachim iu 15 and start kam from taem iu baby yet,+ iu savve finis lo olketa holy raeting,+ wea savve mekem iu wise for kasem salvation thru lo faith wea iu garem lo Christ Jesus.+