• Psalms 135:15-18
    Niu World Transleison blo Holy Scripture

    • 15 Olketa idol blo olketa nation hem silver and gold,

      Man nomoa wakem.+

      16 Olketa garem mouth, bat olketa no savve toktok.+

      Eye, bat olketa no savve lukluk.

      17 Olketa garem ear, bat olketa no savve herehere.

      No eni brith lo mouth blo olketa.+

      18 Pipol wea wakem olketa bae olsem olketa tu,+

      Witim tu evriwan wea trustim olketa.+

  • Isaiah 46:6
    Niu World Transleison blo Holy Scripture

    •  6 Samfala pipol olketa aotem staka gold from paos blo olketa.

      Olketa weighim silver lo scale.

      Olketa haerem wanfala man wea savve wakem samting lo metal, and hem mekem for kamap wanfala god.+

      Then olketa baodaon lo hem, ia, olketa worshipim.*+

  • Jeremiah 10:3, 4
    Niu World Transleison blo Holy Scripture

    •  3 Bikos olketa kastom blo pipol hia olketa iusles nomoa.

      Hem olsem wanfala tree lo forest wea olketa katem daon,

      And man wea garem skill iusim tul* blo hem for wakem datwan lo idol.+

       4 Olketa decoratem datwan lo silver and gold+

      And olketa iusim hammer and nila for nilam idol hia lo wanfala ples mekem hem no foldaon.+

  • Jeremiah 10:8, 9
    Niu World Transleison blo Holy Scripture

    •  8 Evriwan lo olketa no garem gudfala tingting and olketa stupid.+

      Instruction from wanfala tree hem false* nomoa.+

       9 Olketa tekem kam silver from Tarshish,+ and gold from Uphaz,

      Wea olketa man wea garem skill and olketa wea savve wakem samting from metal iusim for coatim lo datfala wood.

      Pipol mekem olketa idol hia werem olketa kaleko wea olketa wakem from blue wool and purple wool.

      Olketa idol hia samting wea olketa man wea garem skill nomoa wakem.