20 Semtaem nomoa Moses and Aaron duim evri samting wea Jehovah komandim. Hem liftimap walking stik blo hem and whipim wata lo Nile River front lo Pharaoh and olketa servant blo hem, and evri wata insaed datfala river hem change lo blood.+

6 So Aaron liftimap hand blo hem ovarem olketa wata lo Egypt, and olketa frog start for kamaot and kavarem land lo Egypt.

17 And hem nao wat tufala duim. Aaron tekem walking stik blo hem and hitim lo graon, and olketa gnat kam and start for baetem olketa man and olketa animal. Evri dust lo graon change lo gnat lo full land lo Egypt.+

6 And Jehovah duim diswan lo next day, and evri difren kaen animal lo Egypt start for dae,+ bat no eni animal blo olketa Israelite hem dae.

10 So tufala tekem asis blo fire from wanfala oven and go standap front lo Pharaoh, and Moses torowem asis hia lo air, and hem change lo olketa boela wea bosta and kamap olketa big soa lo body blo olketa man and animal.

23 So Moses liftimap walking stik blo hem lo skae, and Jehovah mekem thunder, hail, and fire* for foldaon lo earth, and Jehovah gohed for mekem hail for foldaon olsem rain lo land lo Egypt.

12 Then Jehovah sei lo Moses: “Liftimap hand blo iu ovarem land lo Egypt mekem olketa locust kam and kavarem evri ples lo Egypt and kaikaim evri plant wea hail no distroem.”

21 Then Jehovah sei lo Moses: “Liftimap hand blo iu lo skae mekem hem dark evriwea lo full land lo Egypt, and bae hem barava dark fogud.”