Wastaoa ONLINE LIBRARY

Wastaoa ONLINE LIBRARY

Solomon Islands Pidgin

Psalms 89:20

Niu World Transleison blo Holy Scripture
- 20 Mi chusim finis David wea hem servant blo mi,+
  Mi anointim hem witim holy oil blo mi.+

Psalms 89:36

Niu World Transleison blo Holy Scripture
- 36 Pikinini* blo hem bae stap for olowe,+
  Throne blo hem bae stap for olowe olsem sun hem stap front lo mi.+

Isaiah 9:7

Niu World Transleison blo Holy Scripture
- 7 And waka blo hem for rul* bae kamap big
  And peace, bae no savve end,+
  Lo throne blo David+ and lo kingdom blo hem
  Mekem kingdom hia savve stap strong+ and for hem gohed
  Followim justice+ and raeteous fasin,+
  Start distaem and for olowe.
  
  Strong wea kam from Jehovah, komanda blo olketa army, bae duim diswan.

Luke 1:32, 33

Niu World Transleison blo Holy Scripture
- 32 Hem bae kamap wanfala barava important man+ and olketa bae kolem hem Son blo Most Hae,+ and Jehovah* God bae givim hem throne blo dadi blo hem David,+ 33 and bae hem King ovarem pipol* blo Jacob for olowe, and Kingdom blo hem bae no savve finis.”+

Revelation 5:5

Niu World Transleison blo Holy Scripture
- 5 Bat wanfala lo olketa elder hia sei lo mi: “Iu stop for krae. Lukim! Datfala Lion from tribe blo Judah,+ datfala rut+ blo David+ hem win finis,+ so hem nao fit for aotem sevenfala seal and openem datfala scroll.”