8 So talem olsem lo servant blo mi, David, ‘Diswan nao wanem Jehovah, komanda blo olketa army, hem talem: “Mi tekem iu aot from olketa ples for animal kaikai lo hem, from olketa sheepsheep wea iu lukaftarem,+ for leadim pipol blo mi Israel.+ 9 And lo eni ples wea iu go, bae mi stap witim iu.+ Mi bae finisim* evri enemy blo iu front lo eye blo iu.+ And bae mi mekem staka pipol savve lo nem blo iu,+ olsem olketa man wea garem bignem lo disfala earth.