• Psalms 128:1-5
    Niu World Transleison blo Holy Scripture

    • 128 Evriwan wea fraet lo Jehovah, olketa nao hapi,+

      Wea wakabaot followim olketa wei blo Hem.+

       2 Bae iu kaikaim samting wea hand blo iu waka hard lo hem.

      Bae iu hapi and bae iu garem gudfala laef.+

       3 Waef blo iu bae olsem vine wea garem staka frut insaed haos blo iu.+

      Olketa son blo iu bae olsem olketa niu sut blo olive tree raonem tebol blo iu.

       4 Lukim! Hem nao hao man wea fraet lo Jehovah

      Bae kasem blessing.+

       5 Jehovah bae blessim iu from Zion.

      Bae iu lukim Jerusalem hem stap gud lo full laef blo iu+