• Isaiah 1:11
    Niu World Transleison blo Holy Scripture

    • 11 Jehovah hem sei: “Hao, mi kasem eni gud samting from staka sakrifaes wea iufala mekem?+

      Mi taed nao lo olketa burnt offering* blo man sheepsheep wea iufala offerim,+ and gris blo olketa animal wea healthy naes,+

      And mi no hapi lo blood+ blo olketa young bull,+ and olketa young man sheepsheep and olketa goat.+

  • Jeremiah 7:22, 23
    Niu World Transleison blo Holy Scripture

    • 22 Bikos lo day wea mi tekem aot olketa grandadi blo iufala from land lo Egypt, mi no storyim or komandim olketa abaotem olketa burnt offering and olketa sakrifaes.+ 23 Bat diswan nao komand wea mi givim lo olketa: “Obeyim toktok blo mi, and mi bae kamap God blo iufala, and iufala bae kamap pipol blo mi.+ Iufala mas followim evri samting* wea mi komandim lo iufala, mekem iufala kasem blessing.”’+