• 2 Samuel 15:32-34
    Niu World Transleison blo Holy Scripture

    • 32 Taem David kasem antap lo datfala maunten wea pipol savve go for baodaon lo God, Hushai+ datfala Archite+ weit lo there for meetim hem, and kaleko blo man hia brek and hem putim dust lo hed blo hem. 33 So David sei lo hem: “Sapos iu akros go witim mi, bae hem hevi tumas for mi. 34 Bat sapos iu go bak lo taon and iu sei lo Absalom, ‘King blo mi, mi servant blo iu. Bifor mi servant blo dadi blo iu, bat distaem mi servant blo iu nao.’+ Sapos iu duim olsem, then iu savve helpem mi for spoelem advaes wea Ahithophel talem.+