23 Bat iu mekhae lo iuseleva againstim Lord wea rul lo heven,+ and iu talem olketa for tekem kam olketa kap from haos blo hem.+ Then iu and olketa leader blo iu, olketa concubine blo iu, and olketa nara waef blo iu drinkim wine lo olketa and praisem olketa god wea olketa wakem lo silver and gold, copper, iron, wood, and ston, wea olketa hia olketa god wea nating lukim eniting and no herem eniting and no savve lo eniting.+ Bat iu nating mekhae lo God, yes God wea laef blo iu+ and evriting wea iu duim stap lo hand blo hem.

30 Lo datfala sem naet olketa killim dae Belshazzar, king blo olketa Chaldean.+

21 Wanday taem olketa pipol hipap, Herod werem spesol kaleko blo king and sidaon lo ples for judgem man and hem start for story lo pipol hia. 22 Then pipol hia wea hipap start for singaot olsem: “God nao toktok, ino man!” 23 Semtaem nomoa, angel blo Jehovah* mekem hem sik bikos hem acceptim glory wea God nomoa shud kasem, and olketa worm kaikaim Herod and hem dae nao.