13 Gogo taem Samuel meetim hem, Saul sei lo hem: “Jehovah hem blessim iu. Evri samting wea Jehovah talem mi duim finis.” 14 Bat Samuel sei: “Then why nao mi still herem nomoa krae blo olketa sheepsheep and olketa buluka?”+ 15 Then Saul sei: “Olketa tekem kam olketa samting hia from olketa Amalekite, bikos olketa feel sorre lo olketa best sheepsheep and buluka, and olketa laek for sakrifaesim lo God blo iu, Jehovah, bat olketa nara samting mifala distroem finis.”